“Ndihmë, jemi duke vdekur nga i ftohti”, është ky mesazhi i një çifti të bllokuar brenda hotelit që u “varros” nga një ortek në malet e Italisë qendrore.
Vijojnë të rezultojnë të zhdukur rreth 30 persona, pasi orteku përpiu hotelin. Ngjarje që ndodhi pasi një seri tërmetesh goditen zonën gjatë natës së të mërkurës.
Orteku mbuloi hotelin me tre kate në Abruzzo, raporton agjencia italiane e lajmeve “ANSA”. Mësohet se një trup i pajetë është nxjerrë nga bora.
“Unë jam gjallë sepse shkova për të marrë diçka tek makina ime”, tha një nga dy të mbijetuarit, Giampiero Parete, sipas Repubblica.it.
Duke shtuar në lot se gruaja e tij dhe dy fëmijët e tyre janë nën ortek: “Kam humbur çdo gjë. “Brenda ndodhen gruaja dhe dy bijtë e mi, Ludovica 6 vjeç dhe Gianfilippo 8 vjeç”, tha ai.
Një burrë tjetër, i identifikuar nga mediat si Fabio Salzetta, ka dërguar një mesazh duke thënë se ai kishte shpëtuar duke ikur me një punëtor të mirëmbajtjes, por të tjerët kishin mbetur të bllokuar brenda.
“Muret u rrëzuan, unë jam jashtë me një punëtor të mirëmbajtjes, por nuk arrijmë të shohim asgjë nga hoteli, ka vetëm një lartësi dëbore para meje…”, tha ai.
“Ka shumë të vdekur”, thanë ekipet e kërkim-shpëtimit.
