Armand Shkullaku ka hequr një paralele mes Edi Ramës dhe Enver Hoxhës për mënyrën e sjelljes së tyre me kundërshtarët politikë.
Sipas Shkullakut, përjashtimi i Koço Kokëdhimës nga grupi Parlamentar i partisë Socialiste ishte një sjellje e Ramës, si ajo e diktatorit famëkeq Enver Hoxha.
“Shikoj shumë ngjashmëri në mënyrën sesi Enver Hoxha ka drejtuar dhe mënyrën se si vepron Edi Rama. Ka ngjashmëri identike. Edhe Enver Hoxhën nuk e morri askush seriozisht në fillim. Gjatë luftës nuk ishte askush. Ishte një zar i Mugoshës apo Popoviçit. Por, me kalimin e kohës filloi të forcojë pozitat ashtu si pa u ndjerë. Herë bënte aleancë me njërin, herë me tjetrin. Dhe në ’46-tën bëri aktin e parë që ekzekutoi grupin parlamentar të opozitës. E pushkatoi. Më pas filloi të shmangë ata njerëz që ishin dëshmitarë apo që kishin autoritet thuajse të barabartë me të. Siç ishte rasti i Koços. Edi Rama nuk e largoi Koço Kokëdhimën, sepse idetë e tij nuk binin në kundërshtim me idetë e Edi Ramës dhe ky e kuptoi pas 20 vjetësh miqësi të afërt. Por, ky e kuptoi që Koço Kokëdhima nuk ishte një ushtar i zakonshëm që ishte futur në rreshtin e atij dhe ulte kokën të hante tagji që i vinte përpara kryeministri. Koço kokëdhima kishte një lloj personaliteti të vetin”, tha Shkullaku në emisionin “Komiteti” i gazetarit Berat Buzhala.
Koço Kokëdhima është dëshmitar i dobësive të Edi Ramës dhe ne e dimë se diktatorët eliminonin të parët dëshmitarët, vijoi Shkullaku.
