Autori i atetantit të fundvitit në Stamboll ku humbën jetën 39 persona në një lokal mbi urën e Bosforit, ka shokuar me rrëfimin e tij në polici.
34-vjeçari nga Uzbekistan ka pranuar autorësinë e masakrës në lokalin “Reina”. Por mediat turke raportojnë se nga dëshmia e tij dyshohet se janë të implikuara edhe shërbime të huaja në ngjarjen e rëndë. Por pa specifikuar se cilit vend i përkasin ato.
Guvernatori i Stambollit tha se autori Masharipov flet katër gjuhë të huaj dhe kishte hyrë në mënyrë të paligjshme në Turqi, raporton CNN turk.
Mësohet se bashkë me 34-vjeçarin janë arrestuar edhe 39 persona si të dyshuar për lidhje me sulmin terrorist.