32-vjeçari Refit Toro mbeti viktimë e një atentati që ndodhi mbrëmjen e kësaj të diele pranë ish-Parkut të Tregtisë në qytetin e Vlorës.
Mësohet se Toro ka qenë duke parkuar automjetin tip “Mitsubishi”, kur autorët janë afruar me makinë dhe kanë qëlluar disa herë me automatik në drejtim të tij.
Autori i krimit është larguar me shpejtësi me një automjet tip “Land Rover” nga vendi i ngjarjes.
Ekzekutimi ne Vlore by PanoramaVideo
Sakaq policia ka ngritur postoblloqe në rrugët dalëse dhe hyrëse të Vlorës.
Dyshohet se krimi ka motiv hakmarrjen.
Viktima Toro njihej si person me precedent kriminal. Raportohet se viktima kishte ndërruar emrin për shkak të aktivitetit kriminal në të kaluarën. Ai quhej Jetnor Toro.
Toro kohët e fundit ai ishte kthyer në Shqipëri, pasi jetonte në Itali. Refit Toro ka qenë i dënuar para 10 vitesh, si pjesë e një bande kriminale që vidhte banesat.
Me gjithë postblloqet e ngritura nga blutë autori i krimit nuk është kapur ende.
Atentati ne Vlore (2) by PanoramaVideo
