Teatri Kombëtar ka njoftuar se edhe këtë fundjavë nuk do të ketë shfaqje për publikun.
Kjo për shkak të temperaturave shumë të ulëta që janë regjistruar në vendin tonë. “Janë anuluar shfaqjen e programuara për datat 12-13-14-15 Janar” shprehet në njoftimin e Teatrit Kombëtar.
Arsyeja që ka çuar këtë teatër të mos ketë jetë artistike në këtë fillim viti është mosfunksionimi i kaldajave të ngrohjes.
“Për shkak të temperaturave shumë të ulëta të këtyre ditëve, ngrica ka prekur tubacionet që furnizojnë me ujë kaldajën e teatrit duke e bërë të pamundur funksionimin e saj”, thuhet në njoftimin që Teatri ka shpërndarë në rrjetin e tij social Facebook.
Ashtu si edhe shkollat edhe Teatri Kombëtar po “shijon” pushime të zgjatuara.
Shpresojmë që moti të jetë më I qëndrueshëm dhe koha të ngrohet në mënyrë që kryeqytetasit të kenë mundësi të ndjekin jetën artistike që ofron Teatri.
Ja njoftimi I Teatrit Kombëtar:
Teatri Kombëtar ju njofton se për shkak të temperaturave shumë të ulëta të këtyre ditëve, ngrica ka prekur tubacionet që furnizojnë me ujë kaldajën e teatrit duke e bërë të pamundur funksionimin e saj. Për këtë arsye shfaqjet e programuara për datat 12-13-14-15 Janar nuk do të jepen. I kërkojmë ndjesë publikut dhe rishihemi së shpejti në sallën e Teatrit Kombëtar! Boldnews.al
