31-vjeçari që mbeti i plagosur në një atentat ndaj tij këtë të shtunë në kryeqytet, para derës së shtëpisë në zonën e ish-Bllokut, mësohet se është ish-bashkëshorti i prezantueses së njohur Hygerta Sako.
Ngjarja ka ndodhur në orët e para të mëngjesit të sotëm rreth orës 04:35 minuta në rrugën “Ismail Qemali”.
Artur Aligjonin është gjithashtu menaxher i diskos së famshme në kryeqytet, “Arena”.
Çifti Sako-Aligjoni është divorcuar në shkurt të vitit 2012. Ata kanë sëbashku një vajzë.
Policia po heton në pistën që lidhet me ngjarjen e para dy muajve në Kamëz, ku biznesmeni plagosi me thikë shtetasin Halim Hysa. Ai u la i lirë për “plagosje të lehtë”.
Sakaq burime nga policia bëjnë me dije se lidhur me ngjarjen e sotme janë shoqëruar në komisariat, Hysa dhe vëllai i tij.
