Polumbarët kanë arritur të nxjerrin rreth orës 16:00 trupin e pajetë të 12-vjeçarit që u mbyt sot në liqenin e Kasharit në Tiranë.
I mituri F.Gurakuqi ka humbur jetën kur gjatë lojës ra brenda në liqen, për shkak të thyerjes së akullit.
Në momentin e ngjarjes 12-vjeçari po luante bashke me motren e tij 15-vjecare E. Gurakuqi. Kjo e fundit ka tentuar ta shpëtojë, por pa sukses.
Ja njoftimi i policisë mbi ngjarjen:
Më datë 11.01.2017, rreth orës 14:15, në Mëzez, tek Liqeni i Kasharit, kanë rënë 2 fëmijë në liqen, ku është mbytur një fëmijë 12 vjeçar, ndërsa fëmija tjetër 15 vjeçar, është nxjerrë nga liqeni, dhe ndodhet jashtë rrezikut për jetën. Priten të mbrijnë polumbarët e Reneas, për nxjerrjen e fëmijës nga liqeni. Nga hetimet paraprake është mësuar se fëmijët kanë qenë duke luajtur në liqen pasi ka qenë pjesërisht i ngrirë.
