Ministri i Shëndetësisë Ilir Beqaj ka nisur një fushatë informuese për të kuptuar opinionin e pacientëve. Ai u dërgon sms të gjithë atyre që kanë vizituar spitalet muajt e fundit. Të njëjtën gjë ka bërë edhe me një pacient, por ky i fundit i është kthyer me një përgjigje tallëse.
Në tekstin e sms, që Beqaj i dërgon pacientetit në mënyrë automatike, shkruhet:
– I/e nderuar Xhek, unë jam Ministri i Shëndetësisë, Ilir Beqaj. Në 23/11/2016 ju keni vizituar QSUT. Ju lutem përgjigjuni me SMS falas në këtë numër duke vlerësuar cilësinë e shërbimit që morrët. Ju faleminderit.
Ndërkohë qytetari i quajtur Xhek i tregon me SMS ministrit, se shëndetësia e tij nuk është falas, siç propogandon ai. Ja mesazhi i tij:
– Kam bërë operacion syrin. Për të blerë lenten kam kursyer 6 muaj pensionin tim. Për të blerë ilaçet kam kursyer një muaj pensionin. Tani nuk shikoj as për të ngrënë xhaketën dhe rripin e pantallonave. Rrofsh o ministër!
Në fund vjen edhe përgjigja automatike e Ministrit të Shëndetësisë :
– Faleminderit për përgjigjen tuaj!
Kjo pra është “rilindja” e shëndetësisë dhe fasada e ofruar nga ministri Beqaj.
Nga Boldnews.al
