200 mijë euro është dëmshpërblimi që ka kërkuar motra e shqiptarit Dritan Osmani, i cili u vra në vitin 2006 nga një këshilltar i Partisë Lega Nord në Itali.
Padinë për çështjen, Gentjana Kaja e ka dorëzuar tashmë në gjykatë.
Osmani u vra në Kastelnuovo në vitin 2006, pasi kishte hyrë në shtëpinë e Mikelanxhelo Ricit, ishkëshilltar komunal i Lega Nord. Rici qëlloi mbi shqiptarin me armë zjarri, pasi e kishte pikasur në banesën e tij, në tentativë për të kryer grabitje.
Ish-këshilltari komunal i Lega Nord ndodhet ende në proces gjyqësor për vrasjen, e cila sipas avokatëve të viktimës edhe mund të ishte shmangur.
Ngjarja e rëndë ndodhi më 27 janar të vitit 2006.
