Një 47-vjeçar është arrestuar nga policia, pasi është kapur duke drejtuar një autoambulancë në gjendje të dehur. Policia publikoi pamjet e arrestimit të shoferit Islam Alla, i cili u ndalua ditën e djeshme në zonën e “Kodrës së Diellit”. Mësohet se Alla duke drejtuar autoambulancën ka përplasur tre automjete.
Policia Rrugore i ka bërë testin e alkoolit me aparat Dragger, ku ka rezultuar se ai e drejtonte mjetin nën ndikimin e alkoolit në masën 1.00mg/l.
Policia thotë se gjithashtu janë kryer veprimet e nevojshme administrative dhe përpiluar dokumentacionet për siguracion për zhdëmtimin e tre mjeteve të përplasura nga ky drejtues mjeti.
