Në përpjekje për të përmirësuar komunikimin me biznesin, Drejtoria e Përgjithshme Tatimeve ka nisur të ekzaminoje perceptimin e biznesit mbi shërbimet tatimore nëpërmjet anketave dhe pyetësoreve që i drejtohen biznesit.
Një anketë po bëhet nëse biznesi preferon të marrë shërbime nëpërmjet Call-Center dhe një pyetësor është shpërndarë për të testuar cilësinë e shërbimeve tatimore, komunikimin me inspektoret dhe çfarë mendojnëbizneset për nivelin përgatitor të punonjësve tatimore.
Të dy anketat janë në proces, teksa shihet se më shumë se 60 për qind e bizneseve preferojnë të marrin shërbime me CallCenter.
Kjo qasje e tatimeve ndaj biznesit po vjen pas defekteve që shfaqi aksioni i fazës së parëantiinformalitet që u zhvillua në terren gjatë vitit të kaluar. Kthimi i marrëdhënieve ne normalitet po testohet duke pyetur bizneset.
Mirëpo anketa të tilla kane bërë organizata të tjera në vend dhe tashme ka plot studime që tregojnë perceptimet e biznesit për shërbimet tatimore.
Këshilli i Investimeve që funksionon si një platformë e ngritur nga autoritetet shqiptare me mbështetjen e BERZH-it për të rritur dialogun midis qeverisë dhe sektorit privat, më herët këtë vit bëri një studim shkencor për përmirësimin e procesit të kontrollit tatimor.
Pas studimit Këshilli i Investimeve i propozoi administratës tatimore që të emërojë inspektorë tatimorë të specializuar bazuar në profilin e tatimpaguesit (tatimpagues të vegjël, mesëm dhe tëmëdhenj) dhe sipas specifikave sektoriale.
Gjithashtu Drejtoria e Përgjithshme e Tatimeve duhet të rrisë kapacitetet në analizën ligjore dhe të unifikojnë praktikat e tyre, sikurse edhe të reflektojnë vendimet përfundimtare të Gjykatave për çështje të ngjashme.
Tatimeve u është sugjeruar të publikojë më shpejt raportet vjetore dhe vendimet e DPT si njëdhe një mënyrë për rritjen e standardeve të transparencës me publikun. Stabilizimi i paketës fiskale dhe procedurave tatimore brenda një afati të mesëmkohor nëpërmjet konsultimeve publike në mënyrë që të projektohet siç duhetdhe në kohë nga bizneset në planet e tyre të investimeve. /Monitor.al/
