Presidenti i Republikës Bujar Nishani ka pranuar se në detyrën e tij 5 vjeçare si kreu i shtetit ka bërë jo një por disa gabime.
Gjatë intervistës në “Channel One”, Presidenti Nishani tha se ka bërë shumë gabime sa i përket emërimit të disa gjyqtarëve dhe ambasadorëve.
“Pa diskutim, jo një por shumë gabime… Ndoshta disa emërime dhe propozime, kryesisht në Gjykatën Kushtetuese ndoshta, mundet ose në shërbimin diplomatik, ambasadorë… sepse kam konstatuar më pas se kam qenë i gabuar në mënyrën se si do të përmbushte i emëruar përkatës detyrat dhe përgjegjësitë ndaj vendit”, tha Nishani.
