Komisioni Qendror i Zgjedhjeve ka vendosur sot shpalljen të pavlefshëm dhe përfundimin e parakohshëm të mandatit të kryebashkiakut të Kavajës, Elvis Rroshi si dhe të dy deputetëve Shkëlqim Selami dhe Dashamir Tahiri.
Tre vendimet hyjnë në fuqi menjëherë sapo publikohen në Fletoren Zyrtare.
Vendimet janë lexuar para medias nga kryetari i KQZ-së, Denar Biba, pasi komisioni ishte tërhequr për të votuar dhe pas shqyrtimit dhe argumentimit ligjor që i bënë secilit rast publikisht, anëtarët e KQZ-së.
Tani, vendimet e KQZ-së do t’i dërgohen Kryeministrit dhe Kryetarit të Kuvendit për të nisur procedurat për zëvendësimin e tyre.
