Dy anëtarë të KQZ-së, kanë argumentuar sot ligjërisht në komision se kryebashkiakut të Kavajës, Elvis Rroshit, duhet t’i ndërpritet mandati dhe madje përjetë.
Anëtarët Vera Shtjefni dhe Hysen Osmanaj dhanë gjykimet edhe për dy deputetët, Shkëlqim Selamin dhe Dashamir Tahirin. Në rastin e këtij të fundit, Osmanaj gjykoi se ai përfshihet nga ndalimi i ushtrimit të mandatit për 5 vjet, por që i duhen shtuar edhe 9 muaj të dënimit për veprën penale që ishte dënuar.
Kryetari i KQZ-së, Denar Biba, kërkoi që anëtarët të votonin pasi të jepnin mendimin: “Ne kemi detyrimin për t’u shprehur para qytetarëve dhe diskutimet t’i bëjmë publikisht, kurse në momentin e fundit të marrim vendim. Pra, në zhargon, siç thuhet, trupi gjykues tërhiqet për të marrë vendim dhe ne, “komisioni tërhiqet për të marrë vendim”.
Komisioni Qendror i Zgjedhjeve ka debatuar për mandatet e dy deputetëve, Shkëlqim Selamit dhe Dashamir Tahirit si dhe të Kryebashkiakut Elvis Rroshi të ‘kapur ” nga ligji i dekriminalizimit. Debati ka konsistuar në fillim në kërkesën e juristëve të partive politike përkatëse për të marrë fjalën gjatë procedimit, por kryetari Denar Biba e ka hedhur në votë dhe KQZ-ja ka vendosur që ato të flisnin vetëm një herë në fillim.
VERA SHTJEFNI PER MANDATIN E ELVIS ROSHIT:
“Subjekti deklarues,- tha Shtjefni duke iu referuar disa neneve dhe ligjeve përkatëse, – me të dhënat që atribuohen nga Prokuroria e Përgjithshme ndodhet në kushtet e ndalimit dhe periudha e ndalimit është përjetë. Në këto kushte, subjekti deklarues Elvis Rroshi ndodhet në kushtet e ndalimit për të ushtruar funksionin publik sipas ligjit. KQZ, bazuar në ligjin për dekriminalizmin, duhet të shprehet për përfundimin e mandatit të kryebashkiakut të bashkisë Kavajë. Bazuar në të sjellat e dhëna a ka të bëjë KQZ-ja me afatet, e diskutojmë Kjo përsa i takon rastit të parë.’
HYSEN OSMANAJ PER MANDATIN E ELVIS RROSHIT:
Hysen Osmanaj: Për situatën që ka vendi ynë unë bashkohem me atë që ka vendosur Prokuroria e Përgjithshme dhe detyra ime sot ëhstë që ky ndalim ka sjellë sot prokuroria është në kushtete e ndalimit dhe porsa kohë duhet bërë ndalimi.
Në kushtet e dënimit që ka marrë kryebashkiakut të Kavajës në Itali, jam absolutisht i mendimit se përfshihet në pikën a të ligjit të dekriminalizimit. Subjekti në fjalë përveç vendimit ka dhe çështje të tjera. Periudha e ndalimit përfshihet në nenin 4, pika 1a dhe kjo periudhë ndalimi është përjetë. Këtë mendim kam për subjektin e parë dhe e mbështes vendimin që ka sjellë Prokuroria.
VERA SHTJEFNI PER MANDATIN E SHKELQIM SELAMIT:
Vera Shtjefni: Në rastin e deputetit Shkëlqim Selami jemi në kushtet e ndërprerjes së mandatit për dhjetë vjet.
HYSEN OSMANAJ PER MANDATIN E DASHAMIR TAHIRIT:
Hysen Osmanaj: Edhe për subjektin tjetër, Dashamir Tahiri, nga gjetjet e prokurorisë, gjendet që është në kushtet e ndalimit në pikën 2, neni 1, gërma c në ligjin për integritetin e personave që ushtrojnë funksione publike. Për veprën penale që ka kryer është dënuar me 9 muaj. Fusha e ndalimit sipas ligjit ëhstë për 5 vjet, por në fushën e ndalimit përfshihet edhe periudha 9-mujore që ka marrë ndalim dhe kjo duhet shtuar tek periudha 5-vjet.
KQZ kishte në rend dite:
1. “Shqyrtimin e rezultatit të verifikimit të Prokurorisë së Përgjithshme, për funksionarin publik Z.Elvis Roshi, kryetar i Bashkisë Kavajë, në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
2. “Shqyrtimin e rezultatit të verifikimit të Prokurorisë së Përgjithshme, për funksionarin publik Z.Shkëlqim Selami, Deputet i Kuvendit të Shqipërisë në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
3. “Shqyrtimin e rezultatit të verifikimit të Prokurorisë së Përgjithshme, për funksionarin publik Z.Dashamir Tahiri, Deputet i Kuvendit të Shqipërisë në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”
