Një studente e komunikimit, Klevisa, ka pyetur sërish sot kryeministrin Edi Rama se përse nuk e shkarkon kreun e bashkisë Kavajë, Elvis Rroshi.
“Jam Klevisa. Studioj për komunikim.
Mesa duket, Edi Rama ka zgjedhur të heshtë, por unë dhe shumë moshatarë të mi, duam ta pyesim; pse nuk e shkarkon Elvis Rroshin nga Kryetar Bashkie? A nuk i mjafton Edi Ramës, ajo që Elvis Rroshi ka bërë?
A nuk është i mjaftueshëm dënimi nga drejtësia europiane për përdhunim dhe trafik droge?
A e ka menduar Edi Rama se duke mbrojtur Elvis Rroshin po i nxit dhunuesit e grave dhe të fëmijëve?
A nuk e kupton Edi Rama se duke mbrojtur Elvis Rroshin po inkurajon drogën dhe trafikantët?
Pse ka zgjedhur Edi Rama të rreshtohet me të keqen?
Çfarë tjetër duhet të ndodhë që kryeministri të mbajë një qëndrim, të shkarkojë Elvis Rroshin?”, tha sot ajo para mediave.
