Një 44-vjeçari i është bërë atentat me armë duke qëlluar me breshëri ndaj makinës ku ai udhëtonte. S.M me banim në Shkodër, ndodhet në spital nga ku raportohet se gjendja e tij shëndetësore është mjaft e rëndë.
Sipas policisë, ai është dërguar në spital rreth orës 11:50, ku me nisjen e hetimeve u zbulua se ndaj tij ishte qëlluar me armë. Dyshohet që 44-vjeçari të ketë shkuar vetë me makinë deri në spital, aty ku dhe është sekuestruar automjeti “Benz” me targë AA 031 NL.
Në makinë dallohen edhe shenjat nga goditja me armë zjarri. Blutë e qytetit verior thotë se janë ngritur pika kontrolli si dhe po bëhet krehja e zonës me qëllim kapjen e autorëve të dyshuar dhe vendosjen para përgjegjësisë penale.
