Merr fund arratisja e autorit të grabitjes në Lezhë. Autori i grabitjes së sotme në autostradë në Lezhë ka mbetur i plagosur gjatë operacionit për kapjen e tij në zonën e Kurbinit.
Pak minuta pas grabitjes, autori me makinën e grabitur është arratisur për t’i shpëtuar policisë.
Me gjithë thirrjet e policisë për t’u dorëzuar, grabitësi nuk ka pranuar. Pas disa minutave të rrethimit nga ana e policisë së Lezhës, RENEA-s dhe madje edhe një helikopter nga ajri ai është palgosur. Menjëherë autori është dërguar në spital.
Ngjarja ndodhi rreth orës 09:20, ku një person i armatosur ka grabitur mjetin me targa AA 870 II.
Shërbimet e policisë në momentin që kanë marrë njoftimin, janë nisur menjëherë në drejtim të vendngjarjes dhe janë vene ne ndjekje te makinës se vjedhur.
Autori kur ka parë makinën e policisë ka qëlluar me armë zjarri në drejtim të tyre dhe për pasojë ka mbetur i plagosur në kokë një punonjës i policisë i cili ndodhet jashtë rrezikut për jetën.
Ne ndihme te policise se Lezhes jane nisur grupe me forcat Renea. Helikopteri i Policise me forca te tjera te Reneas.
