Kroacia ka bllokuar hapjen e kapitullit 26, dhe kryeministri Vucic njofton se ai nuk do të marrë pjesë në konferencën ndërqeveritare me BE-në qoftë se ajo nuk e tërheq bllokadën.
Kapitulli 26 ka të bëjë me kulturën dhe arsimin.
Vucic ka udhëtuar në Bruksel dhe nëse Përfaqësuesja e Lartë e BE-së për Politikë të Jashtme, Federica Mogherini, nuk arrin një marrëveshje për zhbllokim, ai sonte do të largohet nga Brukseli dhe nesër nuk do të marrë pjesë në konferencën ndërqeveritare, ku do të diskutohet për hapjen e kapitujve.
Të premten, në një takim të mbyllur të grupit të punës të Këshillit për Zgjerimin e BE-së, nuk është arritur consensusi i duhur.
Kroacia nuk është i vetmi vend me pyetje dhe dilema në lidhje me hapjen e këtij kapitulli sepse dritën e gjelbër nuk e kanë dhënë edhe disa vende të tjera, por për Kroacinë, siç thotë “Vecernji list”, është e debatueshme nëse Serbia është e gatshme të garantojë arsimin në gjuhët e pakicave.
Deri më tani, konsensusi i të gjitha 28 shteteve anëtare të BE-së është arritur për hapjen e kapitullit 5, që ka të bëjë me prokurimin publik dhe janë afër konsensusit për kapitullin 25, për shkencë dhe hulumtim, i cili me gjasë do të hapet të martën.