Kryeministri i ri italian, Paolo Gentiloni, shpalli sot përbërjen e qeverisë së tij, që mban shumë ministra në postet e tyre, mes të cilëve atë të Financave, Pier Carlo Padoan.
Gentiloni, që ishte ministër i Punëve të Jashtmë në qeverinë në ikje të Matteo Renzit, theksoi se zëvendësuesi i tij në krye të diplomacisë italiane do të jetë Angelino Alfano, ministri italian në ikje i Punëve të Brendshme dhe ish-krahu i djathtë i Silvio Berlusconit.
Kryeministri i ri, Paolo Gentiloni, u betua sot në Sallonin e Festave në pallatin presidencial “Quirinale”.
Në një takim të zhvilluar sot me kreun e shtetit, Sergio Mattarella, Paolo Gentiloni paraqiti listën e ministrave.
Gjithsej janë 18, nga të cilët pesë pa portofol, më poshtë vijon qeveria e re Italiane:
Kryeministër: Paolo Gentiloni
Zëvendëskryeministre: Maria Eelena Boschi
Ministrat pa portofol
Anna Finocchiaro: Marrëdhëniet me Parlamentin
Marianna Madia: Administrim Publik
Enrico Costa: Çështjet Rajonale
Claudio De Vincenti: Kohezioni Territorial dhe Jugu Italisë
Luca Lotti: Sport me delegim mbi botimet dhe CIPE (Komiteti Ndërministror për Planifikimin Ekonomik)
Ministrat me portofol
Angelino Alfano: Punët e Jashtme
Marco Minniti: Punët e Brendshme
Andrea Orlando: Drejtësi
Roberta Pinotti: Mbrojtje
Pier Carlo Padoan: Ekonomi
Carlo Calenda: Zhvillim Ekonomik
Maurizio Martina: Bujqësi
Gianluca Galletti: Mjedis
Graziano Delrio: Infrastrukturë
Beatrice Lorenzin: Shëndetësi
Dario Franceschini: Kulturë
Valeria Fedeli: Arsim
Giuliano Poletti: Punë