Në fillim të kësaj jave, një grua 32 vjeçe me dy fëmijë u paraqit pranë strehës së Forumit të Gruas Elbasan, e rrahur për të disatën herë barbarisht prej të shoqit 38 vjeç.
Avokatja e qendrës, Soela Kurti, tregon se gruaja në fjalë është e dyta herë që paraqitet, por herën e parë e fali bashkëshortin, i cili është njeri i dhunshëm për shkak se luan bixhoz dhe konsumon alkool.
“Në qarkun e Elbasanit gjatë këtyre muajve janë dhënë 106 urdhra mbrojtje. Jo gjithmonë është e lehtë që të arrish të marrësh menjëherë një urdhër të menjëhershëm mbrojtjeje apo urdhër mbrojtjeje. Sidomos kur janë gjykatës meshkuj, është shumë e më e vështirë. Normalisht, gratë e dhunuara duhet të kenë prova të dhunës së ushtruar ndaj tyre. Ndërsa për dhunën psikologjike, në shumicën e rasteve gjykatësit nuk e marrin parasysh, sepse nuk mund të faktorët.
Sipas statistikave, 36% e grave nuk kanë mbështetjen e familjes së tyre dhe rikthehen sërish te burrat që I dhunojnë,” tregon avokatja Kurti./GSH