“Nga 140 deputet në kuvendin e Shqipëris 19 prejt tyre kanë probleme me ligjin” – kështu u shpreh për Boldnews.al nënkryetari i sapo zgjedhur i Komisionit Qendror të Zgjedhjeve, Hysen Osmanaj.
Ndërsa ligji i dekriminalizimit ka pothuajse 1 vit që është miratuar, ende nuk ka mundur të penalizojë asnjë politikan. Nga procedimet e marra në kuadër të këtij ligji duket se ndikim më të madh ka patur në nivel lokal se sa në atë qendror.
“Deri më tani nga të dhënat e Komisionit Qendror të Zgjedhjeve në nivel lokal rezultojnë se 61 kryetarë bashkie në vend, 11 prej tyre janë në pa përputhshmëri me ligjin e dekriminalizimit, ndërkohë që ende nuk është marrë ndonjë masë ndaj tyre.”- thekson nënkryetari i KQZ-së.
Ai shprehet gjithashtu se 50 anëtarë të Këshillit Bashkiak në shkallë vendi janë në shkelje të ligjit, ndërsa 47 prej tyre kanë refuzuar plotësimin e formularit të dekriminalizimit duke u vetë-larguar dhe më pas janë zëvendësuar.
Duke iu referuar të dhenave të KQZ në Prokurorinë e Përgjithëshme janë paraqitur vetëm dy raste, ai i kreut të bashkisë së Kavajës Elvis Roshi dhe i kreut të bashkis së Krujës Artur Bushi. Për këtë të fundit, organi i akuzës u shpreh se Bushi nuk ka të shkuar kriminale.
“Unë si nënkryetar i KQZ-së nuk jam i kënaqur me zbatimin e ligjit, pasi kemi shumë pak raste të raportuara nga ana jonë, vetëm dy kryetarë bashkie janë proceduar. Për mua çdo person i cili është ndaluar nga drejtësia, qoftë brenda apo jashtë vendit nuk duhet të marrin asnjë post në Shqipëri.”- shton më tej Osmanaj.
Ndërkohë nga Prokuroria e Përgjithshme kërkohen verifikimi i 4 individëve të tjerë të zgjedhur në poste vendore dhe parlamentare, por për këtë duhet kohë dhe bashkëpunimi e vendeve partnere ndërkombëtare. Përsa i përket akuzave të partive politike ndaj deputetëve dhe drejtuesve vendor, ende nuk dihet nëse prokuroria ka nisur hetim apo nëse planifikon ti trajtoj në të ardhmen.
Hysen Osmanaj shprehet kritik edhe ndaj institucionit ku ai punon. “KQZ duhet të kishte raportuar më shumë raste nga strukturat e posaçme, ndërsa edhe kur është verifikuar përfshirja e zyrtarit në aktivitet kriminal dënimet kanë qënë tepër të ulëta.”– thotë ai.
Nga ballafaqimi i shifrave të personave të cilët janë në shkelje me ligjin me shifrat procedimeve ndaj tyre shikohet qartë mos funksionimi i ligjit të dekriminalizimit .
Sipas një studimi të bërë nga ISP-ja (Instituti i Studimeve Politike) në zgjedhjet lokale të 2015 është vërtetuar që 5 kryetarë bashkie u zgjodhën në post pavarsisht të shkuarës së tyre kriminale.
Në referim të këtij studimi në zgjedhjet e Dibrës u konstatua se pavarësisht dy kandidatëve me integritet të lartë, në mbështetje te tyre dhe në sponsorizimin e fushtës u përfshinë persona të inkriminuar, të cilët u bënë pjesë e komisionerëve apo të grupit të monitoruesve në zgjedhje.
Por dhe pse pati akuza të drejtëpërdrejta nga partitë politike ndaj njëra-tjetrës, nuk u nis asnjë hetim zyrtar nga Prokuroria e Përgjithshme.
Përsa i përket zgjedhjeve të 2017, Osmanaj thotë se KQZ nëpërmjet strukturave të posaçme për verifikimin e kandidatëve për deputetë, do të kryej një kontroll të hollësish të penalitetit të tyre, ku pritet dhe bashkpunimi i vendeve të tjera.
Nga Boldnews.al
