Në prag të festave të fundvitit, kryebashkiaku i Tiranës Erion Veliaj ka nisur të zbukuroj kryeqytetin, për të sjellë gëzim në një vit të trishtë dhe të rrënuar ekonomikisht. Bulevardi kryesor vezullon nga dritat, por Veliaj ka harruar të zbukurojë godinën e “shefit” të tij, atë të kryeministrisë.
Në redaksinë e Boldnews.al kanë mbërritur disa foto ku shihet qartë se të gjitha godinat përreth, përfshirë edhe atë të Kryesisë së Kuvendit, ministrive tek Sheshi “Skëndërbej” dhe institucioneve kryesore janë veshur me ndriçues dhe zbukurime.
Por godina e kryeministrit Rama ka mbetuar e zymtë, ashtu siç është edhe vet realiteti në vend. Nuk dihet nëse kryeministri piktor do të marrë përsipër vetë si institucion për të zbukuruar godinëns sipas shijeve të tij.
Ky mbase do të jetë viti më i rënduar për shqiptarët në dekadën fundit. Krimi, droga, papunësia dhe korrupsioni kanë arritur në nivele ulëritëse, si asnjëherë më parë.
Por nga ana tjetër qeveria dhe zyrtarët e veshur me pushtet nuk kanë pranuar asnjëherë realitetin, duke i bërë “lavazh” trurit të qytetarëve me fasada, video dhe reklama të shumta.
Nga Boldnews.al
