Të rinjtë e PD-së kanë vijuar sot një tjetër aksion gjatë paradites për të vënë në qendër të vëmendjes një problem shqetësues për Shqipërinë, kanabisin. Ata kanë ngjitur postera tek parlamenti me përshkrimin “Republika e Kanabisit”. Kjo sipas tyre është një revoltë për të treguar faktin se ku e ka dërguar kjo qeveri Shqipërinë.
“I vendosëm sot damkën e kanabisit, stemën që simbolizon më së miri këtë mazhorancë qeverisëse. Kjo qeveri na ka bërë me turp duke na identifikuar gjithë bota si kryeqyteti i drogës, ne sot do shënjojmë çdo makine deputeti dhe çdo deputet me stemën e Republikës se themeluar nga Rama, Republikën e Kanabisit”, tha organizatori i kësaj proteste, Rajkard Dervishaliaj.
