Nga Boldnews.al
Çdo ditë Ministri i Brendshëm Saimir Tahiri poston reagime të ndryshme në profilin e tij në facebook ose në faqen zyrtare të Policisë së Shtetit. Kryesisht janë suksese të fryra, inagurime apo vlerësime për “çunat” e tij siç i quan Tahiri efektivët e policisë.
Por teksa i lavdëron për aksionet kundër krimit apo kanabisit, Ministri i Brendshëm rezervohet për t’i kritikuar kur efektivët e policisë ushtrojnë dhunë padrejtësisht ndaj qytetarëve. Rasti më i fundit është filmuar ditën e sotme, ku punonjës të policisë kanë dhunuar babë e bir të cilët po tregtonin ujë të pijshëm me autobot.
Në pamje shihet sesi efektivi nxjerr me forcë shoferin e autobotit dhe nis ta qëllojë me shkelma në barkë, pavarësisht se qytetari nuk bën rezistencë. Aty afrohet djali i shoferit të autobotit, i cili nuk bëri asnjë veprim por njëri nga policët u irritua dhe e shtrin në tokë të riun. Pamjet filmike të bërë me telefon nga qytetarët e rastit tregon veprimin barbar policit ndaj të riut të cilin e trajton sikur të ishte një kriminel i rrezikshëm.
Kjo nuk është hera e parë që efektivë të Policisë së Shtetit tejkalojnë masën duke thyer etikën profesionale karshi qytetarëve. Në fund të muajit gusht sërish në rrjetet sociale qarkulloi një video ku një efektiv i Policisë Rrugore në qytetin e Lezhës qëlloi me grusht një qytetar dhe e rrëzoi përtokë.
Edhe asokohe, Ministri i Brendshëm Saimir Tahiri nuk tha asnjë fjalë për “çunat” e tij arrogantë, nuk morri asnjë masë ndaj tyre. Ky është standardi i Policisë së Shtetit, kur të dhunon nuk ka ndëshkim ndërsa kur shkel ligjin dënohesh në masën më të rëndë.
Në janar, sipas buxhetit të shtetit, pritet të ketë një rritje rroge për efektivët e Policisë së Shtetit. Një pjesë e mirë e tyre e meritojnë plotësisht, por ka disa të tjerë të cilët nëpërmjet lidhjeve politike me qeverinë apo origjine me Ministrin e Brendshëm, shkelin mbi parimet dhe ndaj moralit të qytetarëve.
Duke u ushtruar dhunë të padrejtë ndaj qytetarëve, këta efektivë policie të lënë të kuptosh se nuk asnjë ndryshim me të kaluarën, ndryshe nga si e propogandon Ministri Tahiri. Boldnews.al i drejton një pyetje Ministrit të Brendshëm, a është kjo #Policia që duam???
