Një i ri turk është arrestuar nga blutë e kryeqytetit, pasi akuzohet për drejtim të mjetit në mënyrë të parregullt por edhe kundërshtim të policisë dhe mbajtje pa leje të armëve të ftohta.
Mbrëmjen e djeshme Shërbimet e Komisatiatit të Qarkullimit Rrugor të Policisë Tiranë kanë vënë re se 29-vjeçari turk Baki Tas nuk po drejtonte mjetin në mënyrë të rregullt. Megjithëse efektivët e Rrugores i kanë kërkuar të bëjë testin e alkoolit, ai nuk ka pranuar.
Gjatë kontrollit fizik të tij, i është gjetur një thikë me hapje, me doreza. Pas mosbindjes, 29-vjeçari është shoqëruar menjëherë në Komisariatin Nr.1 dhe më pas është shoqëruar në Spitalin e Traumes, ku i është marrë një sasi gjaku prej 3 CC.
DEKLARATA E POLICISË
Tiranë,
Nuk i bindet urdhërit të Policisë, arrestohet. Më datë 26.11.2016 Shërbimet e Komisatiatit të Qarkullimit Rrugor të Policisë Tiranë kanë bërë të mundur arrestimin në flagrancë të shtetasit: -Baki Tas, 29 vjeç, me kombësi Turke dhe banues në Tiranë.
Arrestimi i këtij shtetasi u bë pasi në vëndin e quajtur “Ushtari i Panjohur” dyshohet të ketë qënë duke drejtuar mjetin e tij tip “Fiat” në mënyrë të parregullt , ku dhe është konstatuar nga shërbimet e Policisë Rrugore, të cilët i kanë kërkuar të bëjë testin e alkolit me pajisjen e Dragerit.
Ky shtetas ka kundërshtuar dhe gjatë kontrollit fizik të tij, i është gjetur një thikë me hapje, me doreza. Pas mosbindjes së tij, ky shtetas është shoqëruar menjëherë në Komisariatin Nr.1 dhe më pas është shoqëruar në Spitalin e Traumes, ku i është marrë një sasi gjaku prej 3 CC. Materialet i’u kaluan Prokurorisë pranë Gjykatës së Shkallës së Parë Tiranë për veprat penale të “Drejtimit të mjetit në mënyrë të parregullt”, “Kundërshtim të urdhërit të ligjshëm të punonjësit të Policisë” dhe “Mbajtje pa leje të armëve të ftohta” të parashikuara nga Nenet 291,242 dhe 279 të Kodit Penal.
