Një femër obeze, e cila e krahasonte veten me një këlysh elefanti ka humbur gjysmën e peshës së saj, pas një komenti nga i ati që e bëri të reflektonte.
Sot 29-vjeçe, Maddy Ghorob tregon se arriti 136 kg pas një fëmijërie me ushqime plot me kalori.
Nga frika se ajo do të vdiste nga stili i saj i jetesës, babai i saj i tha se atij i vinte turp nëse e shihnin bashkë me të në rrugë.
“Më vjen turp të dal jashtë me ty. Jo sepse je e shëndoshë, por sepse pesha jote u tregon njerëzve se ti nuk kujdesesh për veten dhe nuk vlerëson trupin apo jetën tënde”, këto kanë qenë fjalët e të atit që bënë Maddyn që të reflektonte e të niste një regjim të fortë diete e ushtrimesh për të rënë në peshë, duke arritur që sot të peshojë vetëm 57 kg.
