Gjykata e Tiranës ka dënuar sot me 2 vite burg Anjeza Shabanin.
Disa ditë më parë, Prokuroria e Tiranës kërkoi në gjykatë që administratorja e kopshtit “Diren” në të cilin janë dhunuar 3 fëmijë të mitur, të dënohet me 4 vjet e 6 muaj burg.
Video e saj e dhunës u publikua në media disa kohë më parë, në emisionin investigativ “Stop”, ku dhunonte një fëmijë të mitur në ambientet e kopshtit “Diren” të cilin ajo administronte. Sakaq, Ajo akuzohet për “keqtrajtim të të miturit në 3 raste” dhe “fshehje të të ardhurave”. Për shkak se gjykimi i saj është zhvilluar me procedurë të shkurtuar, asaj i jepet 1/3 e dënimit.
