Mirela Ruko, studentja që pushtoi sot mediat pasi sulmoi ministren e Arsimit, Lindita Nikolla nuk është një studente e zakonshme që proteston për vëmendje.
Mirela Ruko ka një histori të trishtë nga pas. Pak kohë më parë ajo ka rrëfyer për “Zoom” historinë e familjes së saj të varfër.
Vajza është nga një fshat i Fierit.
Ajo tregon se prindërit morën para borxh që ajo të ndiqte ëndrrën e saj që ishte vazhdimi i një shkolle të lartë.
Ruko thotë se për shkak të mungesës së parave nuk u regjistrua dot në konvikt. Ajo rrëfen se ka ardhur në Tiranë si studente me vetëm 50 mijë lekë të vjetra në xhep në një kohë kur pagesa për konviktin ishte shumë më shumë.
“Kur fitova shkollën prindërit e mi më thanë që kishin marrë lekë borxh që unë të vazhdoj studimet universitare. Unë ja u kisha bërë të ditur prindërve që nëse nuk gjenin mundësi do të largohesha nga shtëpia, për të gjetur një mënyrë se si të vazhdoja shkollën e lartë. Në vit të parë erdha në shkollë, një vajzë e cila vinte nga një fshat i Fierit, përball një Tirane kaotike. Duhet të gjeja punë, por nuk kisha mbështetje”, është shprehur Mirela.
“Me 50 mijë lekë të vjetra kam ardhur në Tiranë ditën e parë”, shprehet ajo. Po ashtu në këtë rrëfim të gjatë Marinela tregon gjithë vështirësitë dhe thotë se disa prej shoqeve të saj e kanë ndihmuar me ushqime. “Babi im kur ka shkuar për të kërkuar bursë është nxjerrë jashtë, madje është qëlluar nga Kryetari i Komunës.”
24-vjeçarja ka mbaruar vetëm 3 vite bachelor dhe më pas ka ndërprerë studimet për Master, pasi i duhet të punojë për të mbledhur 200 mijë lekë të reja, për të paguar tarifën e vënë pas miratimit të Reformës në Universitetet, që ajo e ka kundërshtuar me forcë.
http://www.dailymotion.com/video/x52fmxo_mirela-ruko_news#tab_embed
