Firma ndërtuese vonon me dy vjet afatin e dorzimit. Projektuesi nuk do të jetë më Mario Casamonti.
Pas mashtrimeve të njëpasnjëshme qe u bënë për shkatërrimin e stadiumit Qemal Stafa dhe për ngritjen e kullës gjigante të shoqëruar me stadium, tani në projektin e Arena Kombetare kanë ndodhur ndryshime të çuditshme.
Portali Exit.al ka bërë një investigim sipas të cilit në mënyrë befasuese shtyrja e afatit të dorzimit është zgjatur me dy vjet. Ndërsa fillimisht autoritetet shtetërore thanë se kjo punë do të përfundonte për 24 muaj, madje ai qe dhe një nga kushtet për këdo që do të vendoste të nënshkruante kontratën dhe të përfitone grediaçielën e madhe në mes të Tiranës, kjo gjë është harruar. Sipas tabelës që firma Alb Star ka vendosur në kantierin e punimeve ato do të përfundojnë në Prill 2020. Pra kombëtarja shqiptare jo vetëm që nuk do të zhvillojë aty asnjë nga ndeshjet për kupën e botës Rusia 2018, por as ato për kampionatin e ardhshëm europian. Se çfarë ka lëvizuar nën tavolinë për dyfishimin e zgjatjes te punimeve është ende vështirë të thuhet.
Pika e dytë e dyshimtë është se arkitekti i famshëm emir i të cilit u lakua kaq shumë, Marco Casamonti është spostuar. Exit.al vëren se: “Studioja e arkitekturës e cila ka projektuar stadiumin e ri është Atelier 4. Marco Casamonti dhe studio Archeea Asociati që u propaganduan në publik si projektuesit e stadiumit në fakt do të jenë vetëm këshilltar arikitekturor, çfarëdoqoftë ky term. Nuk dihet nëse ky ndryshim rolesh është bërë për shkak se Marco Casamonti eshte denuar ne Itali për korrupsion, apo ai është përdorur thjesht për reklamë.
Atelier 4 është studio e preferuar e Kryeministrit Rama. Ajo ka qenë e përfshirë në projektet e tij të politikës urbane që në mandatin e parë të Ramës si kryebashkiak i Tiranës.
Atëherë çfarë po ndodh me stadiumin e marrë peng nga vendimet personale të Ramës? Për këtë asgjë nuk dihet. Aq me tepër që qarkullojnë zëra se investitorët kanë future në thes edhe opozitën e cila nuk ka folur më prej kohësh për këtë aferë, për të cilën në fillim tha se do ta pezullonte nëse rikthehej në pushtet.
