Një ngjarje kriminale është parandaluar ditën e sotme nga Policia në farkë, ku një baba ka tentuar që të vrasë me armë zjarri të dashurin e vajzës së tij të mitur.
Ai është Genc L. 43 vjeç banues në Tiranë. Arrestimi në flagrancë i këtij shtetasi u bë pasi ka kërcënuar, kanosur dhe tentuar të vrasë, me anë të një arme gjahu, pa leje, dy shtetas të mitur me inicialet B. A. dhe S. A, 15 vjeç, banues në Tiranë, ku shtetasi i mitur S. A. dyshohej se kishte një lidhje intime prej afro një viti me shtetasen A. L., 14 vjeçe, vajza e shtetasit Genc L.
Në cilësinë e provës materiale u sekuestrua një armë gjahu teke 12 -she dhe 20 fishekë pa leje. Materialet i’u kaluan Prokurorisë pranë Gjykatës së Shkallës së Parë Tiranë, për veprat penale “Prodhimi dhe mbajtja pa leje e armëve të gjuetisë dhe sportive” dhe “Kanosja”, parashikuar nga Neni 280 dhe 84 të Kodit Penal.
