Zbardhen të tjera detaje nga vrasja në një parukeri në qendër të qytetit të Lezhës
këtë të premte. Viktima Etleva Ndoka, 28 vjeç humbi jetën në spital për shkak të
plagëve të marra me armë zjarri nga një 31-vjeçar me të cilin dyshohet se kishte një
lidhje intime.
Ajo u qëllua teksa ishte në vendin e punës nga personi me të cilin dyshohet se
kishte lidhje jashtëmartesore. Burimet e pakonfirmuara të “Panorama” thanë se e
reja ishte e martuar dhe me një fëmijë, ndërsa kishte krijuar edhe lidhje paralele
me Alfred Nikollin.
Mësohet gjithashtu jo zyrtarisht se Etleva prej disa kohësh kishte kërkuar ndarjen
nga Nikolli, por ky i fundit nuk e kishte pranuar këtë gjë. Kohët e fundit ai ishte
shfaqur xheloz për ish-partneren dhe madje i kishte përmendur edhe investimet
që ai kishte bërë për të.
Derisa sot zënkat mes tyre degraduan dhe ai shkoi me pistoletë në parukerinë e të
resë dhe e vrau. Gruaja është qëlluar me dy plumba, një në kokë dhe një në këmbë. Mësohet se autori dhe viktima ishin me orgjinë nga i njëjti fshat, Spite, dhe
njiheshin me njëri-tjetrin prej kohësh./Panorama/