Nga shpërthimi i fuqishëm në rafinerinë e naftës në Ballsh humbi jetën Shkëlqim Muça, 40 vjeç, babai i 5 fëmijëve.
Vaji dhe dëshpërimi ka përfshirë familjen disa anëtarëshe ku kanë hapur dyert e mortit. Prej 25 vitesh, Shkëlqimi punonte si naftëtar në Ballsh deri momentin kur jeta e tij u shua në mes pas shpërthimit të fuqishëm në Uzinë. Familja e tij mbahej ekonomikisht vetëm më rrogën që siguronte Shkëlqimi gjatë punës në Uzinën e Ballshit. Një bombol hidrogjeni shpërtheu në repartin numër 3 të Uzinës së Ballshit duke shkaktuar 1 të vdekur dhe 7 të plagosur, mes të cilëve njëri ndodhet në gjendje kritike për jetën.
