“Nuk ka asgjë anormale në ‘Elbasan Arena’, asnjë masë të ekzagjeruar sigurie”. Këto janë pretendimet e zyrtarëve të Federatës Shqiptare të Futbollit gjatë paradites së sotme. Por gjatë pasdites, askush nuk ftoi gazetarët për të dhënë prononcime të ngjashme para stadiumit, për faktin e thjeshtë se rrugët përreth “Elbasan Arenës” ishin mbushur me forca të shumta sigurie.
Policë të armatosur deri dhëmb apo Forcat e Ndërhyrjes së Shpejtë rrethuan impiantin dhe rrugët pranë tij, duke bllokuar gjithçka për shkak të stërvitjes së kombëtares së Izraelit.
Të gjithë kontrolloheshin një e nga një, edhe me qen anti-eksploziv, deri në momentin kur mbërriti përfaqësuesja e Izraelit në stadium, për të cilën ishte bllokuar plotësisht aksi rrugor Tiranë-Elbasan./Panorama Sport
