Prokuroria shqiptare i tha agjencisë BIRN se ka nisur një hetim për kreun e Inspektoratit të Lartë të Deklarimit dhe Kontrollit të Pasurive dhe Interesit për dështimin e tij në denoncimin e zyrtarëve të lartë.
Zyra e Prokurorit të Përgjithshëm i konfirmoi BIRN –it se ka nisur një hetim ndaj Shkëlqim Ganajt, kreun e ILDKPI, nën dyshimet për abuzim me detyrën.
Oficerë gjyqësorë, me një mandat sekuestrimi të lëshuar nga Prokuroria e Tiranës, shkuan në zyrat e ILDKPI të hënën për të sekuestruar të gjitha dosjet e aseteve të zyrtarëve të lartë.
Gajan, kreu i inspektoratit, nuk pranoi të bënte komente të mërkurën kur u pyet nga BIRN për hetimin.
Grupi Task – Forcë i prokurorisë së Tiranës tha se dyshon për abuzim të detyrës për një periudhë prej 3 vjetësh, gjatë së cilës Ganaj nuk ka raportua asnjë rast të konfliktit të interesit për zyrtarët e lartë.
Prokuroria e Tiranës, me iniciativë të saj, regjistroi një procedim penal me dyshimet se ILDKPI ka dështuar në hetimin e rasteve të konfliktit të interesit.
“Procedimi penal nisi në bazë të të dhënave dhe fakteve të njohura publikisht për përfshirjen e zyrtarëve të lartë në rastet e konfliktit të interesit, të cilat nuk janë hetuar nga ILDKPI”, tha Albi Serani, zëdhënësi i Prokurorit të Përgjithshëm.
Mes këtyre rasteve të njohura ku zyrtarë të lartë janë akuzuar për konflikt interesi, Serani përmedni dosjet e deputetëve socialsitë Rakip Suli e Valentina Leksaj dhe të ish –deputetit socialist Koço Kokëdhima.
“Me qëllimin për të investiguar nëse ka raste të tjera, prokuroria sekuestroi të gjitha dosjet e zyrtarëve të lartë”, tha Serani.
Hetimi ndaj Ganajt vjen në një kohë kur ILDKPI është përfshirë në rishikimin e të jgitha aseteve të deklaruara nga gjyqtarët dhe prokurorët.
Kjo është pjesë e procesit të Vetting-ut që pritet të fillojë pas miratimit të ligjit.
Ligjit, i cili është ankimuar nga PD në Gjykatën Kushtetuese, është kundështuar edhe nga Unioni i Gjyqtarëve dhe një pjesë e prokurorëve.
Marrëdhëniet mes Zyrës së Prokurorit dhe ILDKPI kanë qenë të tensionuara prej disa kohësh, me të dy palët që akuzojnë njëra – tjetrën se kan mbyllur dosjet e zyrtarëve të lartë.
Sipas një investigimi të publikuar nga BIRN, ILDKPI ka dorëzuar 158 dosje të zyrtarëve të lartë dhe të mesëm në prokurori gjatë vitit 2014 – 2015, raporton Lapsi.al.
Dosjet përfshijnë gjyqtarë, deputetë, diplomatë, ish –ministra, kryebashkiakë dhe zyrtarë të taksave e doganave, dy sektorë të administratës publike me nivel të lartë korrupsioni.
Në akuzat e tij, ILDKPI ngrinte dyshime se zyrtarë të shumtë kanë bërë deklarime false në mungesë të burimeve financiare të ligjshme, për të justifikuar pasuritë e tyre.
Por sipas ILDKPI, Zyra e Prokurorit i ka rrëzuar gjysmën e këtyre rasteve, rreth 70 në total.
Në disa raste të pakëta, Zyra e Prokurorit ndoqi dhe dërgoi në gjyq zyrtarë të akuzuar për fshehje të pasurisë, shumica zyrtarë të nivelit të mesëm. /BIRN
