Ish-kryeministri Sali Berisha ka shpërthyer sot në kuvend me akuza ndaj pasardhësit të tij Edi Rama dhe kabinetit qeveritar, duke nisur që nga përmbytjet që shkaktuan tre viktima, duke vijuar me rekomandimin e KE, me marrëveshjen e Ramës me Vucic që anashkalon Kosovën dhe ka risjellë në vëmendje edhe marrëveshjen e detit, për të cilën tha se fsheh interesa në dëm të interesit kombëtar.
Pasi i quajti socialistët fundërrina, plehra e mashtruesa, ish- kryeministri ka përmendur Delina Fiçon, bashkëshorten e ministrit Bledi Çuçi duke i thënë deputetëve se zonja Fico ka më shumë fuqi se ata.
“A e dini ju që, ish gruaja e Ramës, tani gruaja e ministrit ka më shumë fuqi se të gjithë ju?! Ish-gruaja e Ramës, gruaja e ministrit Delina …
Ish-bashkëshortja, dy portale ma kanë sulmuar Edin thotë ajo, portalet kanë një gjë të keqe, se kanë shkrimin dhe zërin me ato videot nga youtube. Ajo e vret atë. S’thoshte gazetat ajo, thoshte portalet. Portalet do ju përmbysin ju, do ju përmbysin”, deklaroi Berisha.
