Qeveria ka vendosur që çdo familje shqiptare të paguajë deri në 1.200 lek, për të ashtuquajturin verifikim të sahateve.
Punonjësit e Drejtorisë së Përgjithshme të Metrologjisë do të shkojnë shtëpi më shtëpi e biznes më biznes për të verifikuar vulat në sahatet që matin energjisë dhe regjistrimin e saj.
Ministria e Financave dhe Ministria e Energjisë kanë hartuar një udhëzim të përbashkët, ku janë miratuar edhe tarifat që do të paguajnë qytetarët për këtë shërbim, të cilat variojnë nga 200 lekë deri 1.200 lekë, shkruan GSH.
Sipas urdhrit, verifikimi i matësve të energjisë elektrike do të kryhet nga Drejtoria e Përgjithshme e Metrologjisë (DPM), ose nga një person juridik i autorizuar prej saj, i akredituar sipas legjislacionit në fuqi.
Ky urdhër ka problem moral dhe penal.
Qëllimi i kësaj nisme është që një tjetër biznes pranë qeverisë të fitojë miliona euro që do të dalin nga xhepat e familjeve të këputura shqiptare.
Që të paguhen miliona euro nga pensionistët, invalidët, familjet me ndihmë ekonomike për xhepin e ministrave apo kryeministrit.
