Donald Trump është presidenti i 45-të i SHBA-ve.
Trump i është drejtuar simpatizantëve të tij në Shtabin zgjedhor. Ai tha se ka qenë një periudhë e vështirë dhe e gjatë. “Kampania ishte e ashpër”, tha Trump.
Ai tha se është koha të jenë të gjithë së bashku, si popull i bashkuar. Trump tha se do të jetë president i tërë qytetarëve të SHBA-së dhe do të punojnë të gjithë së bashku për ta zhvilluar vendin.
NJË PJESË E FJALIMIT TË TRUMP
Ju kërkoj falje që ju mbajtëm kaq gjatë, ishte një çështje e komplikuar.
Sapo kam marrë një telefonatë nga sekretarja Clinton, ajo na përgëzoi ne të gjithë për fitoren dhe unë e përgëzova atë dhe familjen e saj për një fushatë të fortë, ku ka luftuar fortë. Hillary ka punuar për një kohë shumë të gjatë dhe i kemi një borxh mirënjohje për shërbimet për vendin tonë. tani ka ardhur koha kur Amerika të shërojë plagët e përçarjes mes demokratëve dhe republikanëve. Ka ardhur koha të mblidhemi së bashku si një popull i bashkuar.
Unë i betohem çdo qytetari se do të jem president për të gjithë amerikanët dhe kjo është e rëndësishme për mua. Për ata që kanë zgjedhur të mos më mbështesin mua, ka pasur disa, shumë pak, unë flas me ju, ju kërkoj të më ndihmoni të punojmë së bashku të bashkojmë këtë popull. E jona nuk ishte fushatë por një lëvizje e madhe, e jashtëzakonshme e përbërë nga m,miliona njerëz punëtorë që e duan vendin e tyre. Është lëvizje e të gjithë amerikanëve të të gjitha racave, feve që kanë besimin për t’i shërbyer kombit. Duke punuar së bashku ne do të fillojmë të rindërtojmë kombin tonë dhe të ribëjmë ëndrrën amerikane. E kam shpenzuar gjithë jetën në biznes duke parë potencialet e njerëzve, këtë dua të bëj për vendin tim. ka një potencial të jashtëzakonshme. Çdo amerikan do ketë mundësinë të kuptojë potencialin e tij. Asnjeri nuk do të harrohet më në këtë vend. Ne do të rregullojmë qytetet tona të brendshme, do të rindërtojmë infrastrukturën tonë që do të bëhet puna e dytë. Do të fusim miliona njerëz në punë, teksa rindërtojmë vendin. Do të kujdesemi për veteranët tanë të mëdhenj, që kanë qenë kaq besnikë. Kama njohur disa prej tyre gjatë fushatës. veteranët janë njerëz të mrekullueshëm.
Kemi një plan të madh ekonomik, do të dyfishojmë rritjen, do të kemi ekonominë më të madhe në botë. Do të kemi marrëdhënie shumë të mira. Asnjë ëndërr nuk është aq e madhe, asnjë fidë nuk është aq e madhe, Amerika do të kërkojë vetëm më të mirën. Duhet të rimarrim në dorë fatin e vendit tonë. Do të ëndërrojmë për gjëra të bukura dhe të suksesshme në vendin tonë.
Dua t’i them komunitetit botëror se nëse vendosim interesin amerikan në fillim, do të kemi marrëdhënie shumë të mira.
Dua të falënderoj prindërit e mi. Njerëz të mëdhenj, kam mësuar shumë prej tyre. Dua të falënderoj motrat e mia, janë këtu. Ku janë, janë shumë të turpshme. Dua të falënderoj vëllain tim, mikun tim më të mirë. Edhe vëllain tim që ka humbur jetën.
Melanian dhe Don dhe Ivanka dhe Erick dhe Tifaninë dhe Daren Më keni dhënë një mbështetje të jashtëzakonshme… Thoshit se ishim një staf i vogël, shihni sa grup i madh jemi. Kemi njerëz të jashtëzakonshëm, të talentuar. Ka qenë një kohë e veçantë. Dua të falënderoj ish-kreun e bashkisë së New York Rudi Guliani. Ai ka udhëtuar me ne, është i pabesueshëm.
