Një trup i pajetë mashkulli është parë të lundrojë në rrjedhën e lumit të Tiranës në Babrru.
Policia është njoftuar nga banorët por ende nuk është verifikuar trupi. Ndërkohë po shkojnë polumbarët për ta nxjerr. Ky është njoftimi parapraki nga Komisariati policisë nr. 5 në Kamëz.
Lumi i Tiranës ka nxjerrë një kufomë i seksit mashkull rreth 40-50 vjeç, shërbimet e policisë janë në vendin e ngjarjes dhe po priten polumbarët për nxjerrjen e kufomës.
Deri më tani tre janë personat që kanë humbur jetën, njëri prej tyre në Klos, teksa është marrë nga rrjedha e ujit dhe ka përfunduar së bashku me mjetin e tij në lumin Mat.
Ndërsa ngjarja e dytë ka ndodhur në Këlcyrë ku shtetasi Kastriot Spahiu, 50 vjeç nga fshati Sukë i Këlcyrës ka qenë duke rregulluar çatinë e shtëpisë që i ishte dëmtuar nga stuhia. Si pasojë e erës së fortë ai është rrëzuar ku ka gjetur dhe vdekjen.
