E ndërsa Operatori i Shpërndarjes së Energjisë Elektrike, OSHEE, hedh miliona euro në tendera të dyshimtë, sërish Shqipëria gjendet pa energji elektrike me reshjet e para të shiut.
OSHEE shpeshherë ka deklaruar se ka përmirësuar rrjetin elektrik të shpërndarjes, por mjaftuan shirat e parë të dimrit për të kuptuar se kjo kompani i ka keqmenaxhuar paratë e taksapaguesve duke i lënë ata sërish në errësirë.
Dhe ky është vetëm fillimi. Në shirat e tjerë të dimrit, gjithkush të përgatitet të kalojë disa orë në ditë në errësirë dhe të ftohtë, pavarësisht se jemi në vitin 2016 dhe pavarësisht se e paguani energjinë elektrike edhe me kamata.
Zonat që kanë mbetur pa drita janë:
- Rajoni Tiranë: Shënmeri , Mullet si dhe pjesërisht Zall Bastar, Ibë
- Rajoni Durrës: Likesaj, Romanat/Shijak; Karpen/Kavaje
- Rajoni Elbasan: Lemnushë/Gramsh
- Rajoni Berat: Potom,/Skrapar; Sulzotaj, Shenepremte/Lushnje
- Rajoni Fier: Mbrostar, Seman, Topojë, Ndërmenas
- Rajoni Gjirokastër: Lazarat, Dropull /Gjirokastër; Buz, Dragot/Tepelenë
- Rajoni Vlorë: Amonicë, Gorisht, Kallarat, Bolenë
- Rajoni Kukës: Shishtavec, Zapod, Topojan, dhe pjesërisht Ujmisht, Qytet Kukës (Lagja 7) /Kukës; pjesërisht Pac, Llugaj, Qytet Fierzë, Lekbibaj
- Rajoni Shkodër: pjesërisht Zagore,/Koplik; Kashnjet si dhe pjesërisht Gjadër/Lezhë; Arrës Miliska, Rrapë/Pukë; Bërdicë, Rrethina, Guri i Zi, Dajç, Bushat si dhe pjesërisht Vau i Dejës/Shkodër
