Një mega-skandal me pasoja të rënda në financat shqiptare dhe xhepat e të sëmurëve, mund të konsiderohet ligji i ri që po përgatit qeveria përsa i perket pullave të barnave mjekesore pullat. Ndërkohë që aktualisht këto pulla kanë çmim fiks me projektligjin e ri që qeveri ka bërë gati, jo vetëm që kjo tarifë do të rrite në 2.4 përqind të çmimit të produktit, por kjo shëndrrohet direkt në një taksë dhe jo më një çmim pulle.
Por nuk mbaron me kaq.
Përveç të tjerave, në këtë projektligj i garantohet konçesionarit se nëqoftëse xhiro totale bie nën 128 mil euro, atëhere do të jetë shteti ai që do të bëjë duhet tja kompensoje shteti. “Konçesionari nuk do të jetë përgjegjës për dëmet direkte ose indirekte të shkaktuara ose të pësuara nga Autoriteti, ose çdo Përdorues Fundor, Importues ose Prodhues si rezultat i mos-dorëzimit të Pullave Fiskale si rrjedhojë e sa më sipër” –thuhet në projektligjin që Syri.net e disponon të plotë.
Pikërisht ky ligj ka mbërritur në tryezat e deputetëve të Komisionit të Shëndetësisë dhe pritet që me forcën e kartonit të përfundojë duke u miratuar.
Po çfarë ka ndodhur?!…
Per ilustrim çmimi i pullës gjatë qeverisjes së djathtë ka qenë vetëm 6 lek të vjetra ndërsa me këtë projektligj kjo masë shkon mesatarisht rreth 120 lekë të vjetra, ose thënë ndryshe një rritje mbi 20 herë ndërkohë që të gjithë vendet e BE-së e kanë hequr prej kohësh pullën dhe çdo kuti barnash ka bar kodin e vet dhe vetëm ndonjë vend i caktuar rrallë që perdor pullën, e përdor vetëm për barnat që jepen për rimbursim, por kjo gjithmonë me një çmim të të papërfillshëm.
