Po mbahet në Tropojë koncerti-protestë kundër ndërtimit të HEC-eve në Valbonë.
Qytetarë të shumtë nga e gjithë Shqipëria janë mbledhur për të kundërshtuar ndërtimin e HEC në këtë zonë natyrore.
Në koncertin protestë këndojnë këngëtarë të njohur dhe politikanë, mes të cilëve deputeti Ben Blushi dhe Gjergj Bojaxhi.
Dy këngëtare të xhazit Eda Zari së bashku me Elina Dunin kanë iniciuar këtë koncert për t’i thënë “Jo” HEC-ve në këtë zonë, pasi ndërtimi i tyre shkatërron pasuritë e rralla natyrore të Valbonës.
Në këtë tubim marrin pjesë dhjetëra banorë të zonës, përfaqësues të Shoqërisë Civile si qytetarë nga qytete të ndryshme të Shqipërisë. Koncerti do të zgjasë deri në orën 18:00. Pas Valbonës, një koncertprotestë do të mbahet edhe në Tiranë në 30 Tetor ora 18:00 përballë Piramidës.
