20 familje në lagjen e ish artistikes në qytetin e Shkodrës rrezikojnë të përfundojnë në qiell të hapur, pasi truallit ku kanë ndërtuar shtëpitë i ka dalë pronari.
Mëngjesin e sotëm ata janë nxjerrë jashtë shtëpisë së tyre pas urdhrit të përmbarimit për të liruar shtëpitë. Ndërkohë me dhjetra banorë kanë bllokuar rrugën drejt unazës lindore duke vendosur kontenierë.
Banorët janë vendosur që prej vitit 1997 në këtë zonë, ata u bënë pjesë e proçesit të legalizimit në 2006-en, por 5 vite më pas pikërisht në 2011-en janë thirrur nga prokuroria pasi pronari Nikolin
Kujxhia kishte hapur një gjyq për marrjen e truallit të tij.
Tashmë përmbarimi u ka barë të ditur se brenda 23 tetorit duhet të lirojnë shtëpitë.
Të revoltuar banorët akuzojnë se prona është blerë me korrupsion në dyert e gjykatave.
Para viteve 97′ këtu ishte zonë gjeologjike, por pas trazirave ku u mbyllën të gjitha industritë në këtë zonë, objektet u kthyen në shtëpi banimi.
