Një ngjarje e pakëndshme për kryeministrin Edi Rama ka ndodhur gjatë ceremonisë së sotme për përurimin e godinës së rikonstruktuar të liceut artistik “Jordan Misja” ku i pranishëm ka qenë dhe kreu i Bashkisë, Erion Veliaj.
Sapo Rama nisi fjalën, një nga nxënësit e pranishëm ka ngritur dy gishtat lart. Rama nuk e ka lënë pa një batutë gjithë këtë.
“Lëri more ato gishta mor, lëri mor lëri… Mbaji të 5 gishtat se të duhen t’i biesh pianos, mos i nda gishtat nga njëri¬tjetri. Fut kokën poshtë dhe ngre dy gishtat, llogarit. Ndërkohë kokën duhet të mbash lart dhe gishtat duhet ti mbash bashkë, nejse.”- tha Rama.
Duke folur për ndryshimin në Lice, Rama ka ftuar të rinjtë të ndjekin ëndrrat e tyre dhe ka sjellë shembullin e Ermonela Jahos, që i besoi ëndrrës dhe punoi për të. Ka përmendur rritjen e pagave, e cila është duartrokitur dhe teksa ka lënë porosi për mësuesit se duhet të jenë delikatë me këta nxënës, nuk ka lënë pa kujtuar edhe njëherë atë të 2 gishtave. “Ma kini kujdes atë me dy gishta se ka shumë gjasë të jetë një gjeni i keqkuptuar”- tha Rama.
