Prokuroria e Krimeve të Rënda ka pushuar dosjen hetimore për shtetasin Vladimir Gjuta, i cili akuzohej për largim nga vendi i qëndrimit, pasi ndodhej në arrest shtëpie.
Gjuta u akuzua edhe për vendosjen e tritolit në farmacinë dhe makinën e babait të Ministrit të Brendshëm, Saimir Tahiri. Por këto akuza nuk u provuan.
Tani, prokuroria ka kërkuar mjekim të detyruar për Gjutën, pasi ai sipas organit të akuzës rezulton të jetë me çrregullime mendore.
Prokuroria bazohet tek dy akte ekspertimi të ndryshme të cilat kanë konstatuar se Gjuta është një person i papërgjegjshëm.
