Dy shqiptarë janë dënuar nga një gjykatë angleze me 10 vite burg, pasi akuzohen për trafik droge me vlerë 1 milion paund.
22-vjeçari Resul Rahova u pikas nga policia në Manns Road, Edgware, (Londër), më 1 Gusht, kur së bashku me shqiptarin tjetër Bashkim Gurguri merrnin nga makina tip “Mazda” e 22-vjeçarit, një çantë të madhe.
Një nga oficerët tentoi t’i ndalonte, por Rahova i dha gaz makinës duke drejtuar mjetin drejt oficerëve të tjerë që ndodheshin pranë trotuarit. Efektivëve u është dashur të largoheshin prej aty për t’iu shmangur goditjes nga makina e shqiptarit.
Ndërkohë, 46-vjeçari Gurguri u ndalua në rrugë, duke mbajtur çantën me 11 pako me kokainë të cilësisë së lartë.
Sipas policisë, nëse do të shitej në rrugës, vlera e sasisë së kokainës së sekuestruar do të ishte 1 milion paund. Një javë më vonë, policia gjurmoi Rahovën teksa futej në një shtëpi në Twickenham, ku edhe e kanë arrestuar. Të premten, Rahova është dënuar me 6 vite burg, ndërsa Gurguri u dënua ne 4 vite burg.
(Resul Rehova)
(Bashkim Gurguri)
