Ditën e dielë futbollisti i Tiranës Gentjan Muça kurorëzon dashurinë e tij. Mirëpo në këtë ditë të shënuar ekipi i Tiranës do të luajë me Korabin, ku fill pas përfundimit të ndeshjes do i drejtohet dasmës së Muçës ku 29 –vjeçari djeg shaminë e beqarisë.
Të pranishëm në ceremoninë martesore mësohet të jenë përveç famijlarëve e të afërmëve edhe drejtuesit, stafin teknik, futbollistët, por edhe tifozët. Ndaj, “dhurata” më e mirë që të gjithë duan t’i bëjnë zv/kapitenit është një fitore kundër Skënderbeut kryesues.
Kjo ndeshje do të nisë në orën 17:00, ndërsa në orën 20:00 bardheblutë do t’i drejtohen restorantit që Muça ka përzgjedhur për të kremtuar dashurinë e tij.
Kalendari
Nuk ka ndryshim kalendari, Tirana do të luajë nesër kundër Korabit. Edhe pse ekzistonte si variant që ndeshja e javës së 6¬të të luhej ditën e enjte në “Selman Stërmasi”, kjo nuk do të ndodhë. Axhenda është zyrtarizuar tashmë, ndaj të mërkurën, në orën 17:00, ekipi i drejtuar nga Ilir Daja do të zhvillojë “transfertën” me dibranët. Kryeqytetasit e kishin praktikisht të pamundur që të pranonin spostimin e këtij takimi me 24 orë, pasi rrjedhimisht do të rrezikohej që të shtyhej me një ditë edhe java pasardhëse. Madje, fillimisht ka qenë programuar që supersfida Tirana¬Skënderbeu të luhej të hënën. Por, edhe ky plan ka rënë poshtë, pasi klubi kryeqytetas ka refuzuar që të luhej në fillimjavë për shkak të dasmës së Gentjan Muçës.
