Edhe në seancën e sotme gjyqësore të ish deputetit Mark Frroku, ka munguar dëshmia e Tom Doshit.
Mësohet se Doshi nuk është paraqitur në seancën gjyqësore dhe kjo për disa herë rrjesht. Ndaj gjykata ka urdhëruar ditën e sotme që të njoftohet Tom Doshi.
Gjykata gjithashtu kërkoi që policia ta shoqëronte me forcë Doshin nëse deputeti refuzon të paraqitet për të dëshmuar. Ishte seanca e dy javëve më parë, kur Doshi u paraqit në Dhomën Penale të Gjykatës së Tiranës në cilësinë e dëshmitarit, por atë ditë nuk formohej trupi gjykues dhe deputeti nuk mundi të jepte dëshminë e tij.
Tom Doshi është thirrur si dëshmitar i prokurorisë në procesin ndaj Mark Frrokut i akuzuar për vrasje, fshehje të të ardhurave dhe ndërtim të paligjshëm.
