Sekretari për Aksionin Qytetar në PD, Ervin Salianji, teksa ka vëzhguar nga afër jetën e një të moshuareje që jeton duke rrëmuar nëpër kazanët e mbetjeve, thekson se ajo që Rama po ia përcjell qytetarëve si shpëtimin ekonomik të vendit, janë në fakt një mjerim.
Safije Cani është 80 vjeçe banon në Laprakë, dhe jeton duke rrënuar nëpër kazanët e plehrave. E braktisur në çdo drejtim nga shteti, paratë që nxjerr nuk i dalin as per të paguar dritat, as për ilaçe. “Jam 80 vjeç dhe jetoj vetëm. Mbledh kanaçe përditë, mos i paça kalamajtë. Fëmijët kanë ikur në Azil. Nuk kam askënd”, thotë ajo.
Salianji: Sa lekë fiton me këto?
E moshuara: 500 lekë, 500 të vjetra në ditë.
Salianji: Dritat kur t’i kanë prerë
E moshuara: Prej dy vjetësh. Vetëm një llampë kam këtu (në kuzhinë) dhe në korridor. S’ka ardh kërkush. Vetëm jam këtu. Nga bashkia nuk duket kurrkush. S’kam parë kërkënd dhe asnjeri nuk më ndihmon. Nuk vjen asnjeri të më shohë.
Salianji: “Këtu tek ty mund të vijnë vetëm për fushatë për reklamë me kamera. Ja kështu si ti për tek plehrat i thotë qytetarëve shqiptarë se do të punësojë 30 mijë veta, ja kështu si ty do të punësojë njerëz, me 500 lekë të vjetra në ditë apo një mijë lekë e ta mbushë Shqipërinë plot me plehra. Ndërkohë Rama fiton 150 milion euro nga kjo. Ky godet të varfërit, godet njerëzit e pamundur si ti dhe bën lek për të pasurit dhe njerëzit e tij. Po ilaçet, shëndetësinë a ta kanë dhënë falas
E moshura: Jo, jo nuk më japin asgjë falas, i kam blerë dhe shtrenjtë. Mezi më del se duhet dhe të ha.
