Nga Boldnews.al
Administratori i Operatorit të Shpërndarjes së Energjisë Elektrike (OSHEE), Ardian Çela është paditur në gjykatë për shpifje. Por pavarësisht kësaj, Çela duhej të ishte përpara drejtësisë për tenderin për vendosjen e Palmave në Durrës, ose për tenderat disa miliona eurosh që shpërdoron institucioni që ai administron.
Ka qënë deputeti Vladimir Kosta i cili në datën 23 shtator të këtij viti ka depozituar një padi për shpifje ndaj Adrian Çelës. Seanca e parë gjyqësore pritet në datën 14 tetor ndërsa do të drejtohet nga gjyqtari Lazër Sallaku.
Konflikti mes tyre ndodhi kur deputeti Kosta në një letër të hapur që i dërgonte kryeministrit Rama shprehte pakënaqësitë e qeverisjes. Ai shpërtheu në akuza ndaj ministrave dhe njerëzve që qëndronin pranë kryeministrit, teksa këtë të fundit e quante “llapistin” më të mirë në botë.
Në fund të letrës, Kosta përmendte edhe Administratorin e OSHEE, Ardian Çelën duke e ironozuar për ftesën që i kishte për 25-vjetorin e Partisë Socialiste si dhe njohjet që ai kishte me Gëzimin e Kashtës, një nga personat e njohur të botës së krimit.“KUJTESË! Me që nesër bën festën e partisë, Ard Çelën e bëre anëtar asambleje dhe i takon të jetë se fton zyra por mos të dalë nga mendja të ftosh Gëëëëëzimin e KASHTËS….”– u shpreh Kosta.
Por një ditë më pas, Administratori i OSHEE, Adrian Çela nuk e ka përtypur dot ironin e Kostës. Çela thotë se ai përmendet në këtë letër për shkak se nuk i ka dhënë tendera, që sipas tij, Kosta ia ka kërkuar për t’i fituar në mënyrë të paligjshme.
“Shpreh keqardhje të thellë për prononcimin e deputetit Vladimir Kosta, por nuk jam i keqardhur që nuk i’a kam plotësuar kërkesat e tij absurde për të fituar në rrugë të paligjshme tenderë të shpallur nga OSHEE”– thotë Çela.
Drejtori i OSHEE i merr si kompliment akuzat dhe kritikat e Vladimir Kostës ndaj Edi Ramës dhe PS-së së drejtuar prej tij dhe shprehet se ky sulm lidhet me Reformën në Drejtësi.
“Fatkeqësisht nuk më vjen e papritur kjo shfaqje vulgariteti vetediskreditues që flet vetë për nivelin e Vladimir Kostës. Sulmin e tij në vigjilje të finalizimit të Reformës në Drejtësi e marr si kompliment për kompaninë dhe për drejtimin tim me ligjshmëri dhe transparencë. Reforma në Drejtësi ende pa u miratuar po tregon se çfarë vlere të madhe ka për të ndarë njerëzit që duan shtet, drejtësi, rregulla nga ata që duan të vazhdojnë në rrugën e vjetër të përfitimeve të paligjshme”, përfundon reagimi i Çelës.
Edhe pse kërkon të vërë në dukje nga njëra anë “nivelin” e deputetit të PS dhe nga ana tjetër të tregojë se sulmohet për shkak të integritetit, drejtori i OSHEE tregon pa dashje një realitet që mbizotëron tek mazhoranca, atë që deputetë e pushtetarë ndërhyjnë për të marrë tendera publikë.
Pikërisht për këtë akuzë, deputeti Kosta do t’i kërkoj në gjyq Adrian Çelës që të provojë akuzat se ai i ka kërkuar tendera në mënyrë të paligjshme, ose në të kundërt Administratori i OSHEE mund të rrezikojë edhe burgun.
Rrogat e kripura në OSHEE, Ardian Çela 3 milion/muaj ndërsa recepsionistja e tij 800 mijë/muaj
OSHEE vazhdon rekordet, tjetër tender me 99.99% të vlerës me ofertues të vetëm
Skandali/ OSHEE i jep tenderin 7 milionë dollarë për qokë italianëve
