Nuk mund të mungonte edhe një koment i kryebashkiakut të Tiranës Erion Veliaj për protestën e shoqërisë civile sot kundër importit të mbetjeve.
Edhe pse vetë është katapultuar në politikë nga shoqëria civile, Veliaj ka tentuar ta ndotë protestën.
Në profilin e tij në Twitter, Veliaj ka nxjerrë në foto disa punonjës të bashkisë që pastrojnë bulevardin pas mbarimit të protestës. “Respekt për protestat! Por akoma me sh respekt për ata qe pastrojnë ditë të shtunë plehrat e hedhura nga protesta që pretendon pastërti!” shkruan Veliaj.
Duket se në Partinë Socialiste ka nisur një garë për t’iu servilosur sa më shumë Edi Ramës dhe për momentin Veliaj qëndron në vend të parë, meqë asnjë nga zyrtarët e tjerë socialistë nuk ka reaguar për protestën e shoqërisë civile.
